Тошкент шаҳар ИИББ ходимлари коронавирус вакцина синовининг 3-босқичида иштирок этаётгани маълум қилинди
Тошкент шаҳар ИИББ тиббий бўлими ходимларни COVID-19 коронавирус инфекциясига қарши вакцина синовининг 3-босқичида иштирок этишмоқда. Бу ҳақда Тошкент шаҳар ИИББ матбуот хизмати хабар берди.
Хабарга кўра, Anhui Zhifei Loncom Biofharmaceutical компанияси томонидан ишлаб чиқилган ZF2001 рекомбинант вакцинасининг клиник синовининг III босқичи Ўзбекистон Республикаси Инновация вазирлиги ҳузуридаги Илғор технологиялар маркази ва Соғлиқни сақлаш вазирлиги Вирусология ИТИ томонидан ўтказилмоқда..
Қайд этилишича, Тошкент шаҳар ИИБ бошлиғининг биринчи ўринбосари, полковник Муҳиддин Жўраев биринчилардан бўлиб синовдан ўтган.
Аввалроқ, экспертлар Ўзбекистон аҳолиси қачон бутунлай эмланиб бўлиши ва биринчи бўлиб кимлар эмланишини тахмин қилингани ҳақида хабар қилинган эди.
