Атабек Назиров: «Биз ўз давлатимизни биламиз ва чет эллик инвесторлар билан таваккалчиликни баҳам кўришга тайёрмиз»

UzDIF миллий иқтисодиёт етакчиларини приватизация жараёнидаги лойиҳаларини қўшма молиялаштиришни таклиф этди.

Кеча пойтахтда бўлиб ўтган Ўзбекистон-Буюк Британия Савдо ва саноат кенгашининг (UBTIC) 26-сессиясида Ўзбекистон Республикаси Тўғридан-тўғри инвестициялар жамғармаси (UzDIF) раҳбари Атабек Назиров дастурий тақдимот билан маърузага чиқди. Кун тартибининг ушбу қисми иштирокчиларнинг эътиборини максимал даражада ўзига тортди, чунки бу йилги форумнинг асосий мавзуси маҳаллий корхоналарни хусусийлаштириш бўйича кенг кўламли дастур бўлди.

Муҳокама чоғида Ўзбекистон нафақат макроминтақадаги энг жадал ривожланаётган иқтисодиёт, балки саноқли чинакам барқарор мамлакатлардан бири – глобал геосиёсий турбулентлик даврида инвесторлар учун асосий омил эканлигини алоҳида таъкидланди. UzDIF тақдимоти британиялик меҳмонларда катта қизиқиш уйғотди.

«Нимага UzDIF хорижий ҳамкорлар учун табиий танлов? Ҳаммаси оддий: биз ўз мамлакатимизни биламиз ва бундан ташқари — биз сиз билан таваккалчиликни бўлишишга тайёрмиз, бу эса қарз капиталининг нархи ўз-ўзидан ўсиб бораётган даврда ўта муҳимдир. Биз бюрократик идора эмасмиз ва илғор халқаро тажриба ва юқори стандартларни инобатга олган ҳолда тез қарор қабул қила оламиз», — деди Атабек Назиров.

Икки томонлама савдо ва инвестицияларни ривожлантириш имкониятларини муҳокама қилиш учун ҳар йили ўтказиладиган форум Ўзбекистон ва Буюк Британия ҳукуматлари томонидан 1994-йилда ташкил этилган, аммо UBTIC сўнгги йилларда икки мамлакат ўртасидаги товар айирбошлаш ҳажмининг ўсиши туфайли алоҳида аҳамият ва вазнга эга бўлди. 202-йилда икки баравар кўпайиб, тахминан 500 миллион долларни ташкил этди.

Буюк Британиянинг Ўзбекистондаги Фавқулодда ва мухтор элчиси Тимоти Торлотт UBTIC ялпи мажлисини очар экан, шундай деди: «Мамлакатларимиз ўртасидаги муносабатлардаги бурилиш даври Президент Шавкат Мирзиёев ислоҳотлар жараёни ташаббускори бўлган 2016-йил бўлди. Ўшандан бери Ўзбекистон ҳам қўшнилар, ҳам бошқа давлатлар билан фаол ва самарали алоқаларни ривожлантирмоқда. Биз бу сиёсий муҳит сақланиб қолишига умид қиламиз ва бу борада Ўзбекистонни қўллаб-қувватлашга интиламиз».

Эслатиб ўтамиз, Ўзбекистон Буюк Британияга товарларнинг катта қисмини ноль импорт тарифлари бўйича экспорт қилиш имконини берувчи Умумий имтиёзлар тизимининг кенгайтирилган схемасига қўшилган биринчи давлат бўлди.

Республиканинг энг муваффақиятли компанияларига сармоя киритишнинг янгича ёндашувини шарҳлар экан, Атабек Назиров ўтган асрнинг 80-йилларидаги Британия тажрибасини эслатиб ўтди: «Бир вақтлар Маргарет Тетчер Британия фуқароларига савдо алмашиш ва компанияларнинг IPOда иштирок этиш таклифи билан бир зумда хусусийлаштирилган давлат мулкига шерик бўлиш имкониятини берган эди. Шахсан мен бу мисолдан жуда илҳомландим, чунки биз фуқароларимизга маҳаллий ва хорижий фонд бозорларида IPO доирасида энг йирик миллий компаниялар акцияларига сармоя киритиш имкониятини ҳам тақдим эта оламиз. UZDIF ҳам маҳаллий, ҳам хорижий инвесторлар билан биргаликда бу жараёнда иштирок этишга тайёр. Ишончим комилки, бу бизнинг молиявий экотизимимизни сезиларли даражада мустаҳкамлайди».