Қайд этилишича, мураббий Равшан Алимов делегация аъзолари орасида вакцина қабул қилган илк вакил бўлди.
«Режа бўйича делегация аъзоларини эмлаш 1 июнга қадар давом этади ва бу жараённи бокс бўйича терма жамоаси вакиллари якунлаб беришади. Умумий ҳисобда 250 нафар вакилни эмлаш кўзда тутилган», — дейилади хабарда.
Таъкидланишича, делегация вакилларини эмлаш жараёнида «Sputnik V» вакцинасидан фойдаланилмоқда. Йўриқномга кўра, вакцина 21 кун оралиғида 2 маротаба қабул қилинади.
