Американинг The New York Times нашри Ўзбекистон ҳақида викторина еълон қилди

Американинг энг йирик нашрларидан The New York Times Ўзбекистон ҳақида интерактив викторина еълон қилиб, ўқувчиларни Ўзбекистон тарихи, географияси, иқтисодиёти ва экологияси билан таништиради. Бу ҳақда Repost.uz хабар қилди.

 

Фото: spot.uz

Хабарга кўра, викторина «Ўзбекистон ҳақида қанчалик биласиз?» деб номланиб, муаллиф  ўқувчиларга Ўзбекистон тарихи, географияси, иқтисодиёти ҳамда экологияси ҳақида 4 та савол беради.

Таъкидланишича, биринчи The New York Times веб-сайтига ташриф буюрувчилар Ўзбекистондан ўтган 2 000 йиллик савдо йўлининг номини топишлари керак. Бу саволга жавоб берган ўқувчилар Ўзбекистон Рим ва Хитой империяларини боғлаб турган «Буюк Ипак йўли» маркази эканлигини билиб оладилар.

Қайд этилишича, кейинги географияга оид саволда ўқувчилар Ўзбекистон пойтахти ҳақида маълумотга ега бўладилар. Тошкент нафақат қадимий Ислом меъморчилигини, балки Совет даври меъморчилигининг  намуналарини ҳам намойиш этиши таъкидланган.

Шунингдек, викторинада 1977 йилда очилган Тошкент метроси, мамлакат иқтисодиёти ва Орол денгизи ҳақида ҳикоя қилинади.