«Кимёвий ва биологик ҳужумлар хавфи тобора ортиб бормоқда» — Буюк Британия мудофаа вазири
Буюк Британия мудофаа вазири Бен Уоллес кимёвий ва биологик ҳужумлар хавфи тобора ортиб бораётганлиги ҳақида TACC агентлиги хабар берди.
Фото: RT
«Мен кимёвий ёки биологик (ҳужум) хавфи тобора ортиб бораётганига ишонаман. Бу интернетдан фойдаланадиган одамларнинг қўлига нима келиб тушишига боғлиқ», — дейди вазир.
Шунингдек, вазир биоинженеринг ва синтетик биологиядан келиб чиқиши мумкин бўлган хавф ҳақида огоҳлантирди.
«Менимча, улар аллақачон мавжуд, аммо уларни тўлиқ ишлатилаётганига амин эмасман. Ҳаммаси қайси сценарий бўйича кетишинни тахмин қилиш жуда қийин», — деб таъкидлаган у.
