The Walt Disney компаниясидан нечта ходими ишдан кетгани маълум бўлди
The Walt Disney компанияси «Музлик даври» ва «Рио» билан танилган Blue Sky студиясини ёпишини эълон қилди. Бу ҳақда Deadline компания баёнотига асосланиб хабар берди.
Фото: Moneyinc.com
Маълумотга кўра, Blue Sky Studios апрель ойида ўз фаолиятини тўхтатиб, 450 нафар ходимни ишдан олган.
«Амалдаги иқтисодий воқеликни ҳисобга олган ҳолда, кўп муҳокама ва баҳолашдан сўнг биз Blue Sky Studios’да ишлаб чиқаришни тугатиш тўғрисида қарор қабул қилдик», — дейилади хабарда.
Таъкидланишича, Blue Sky Studios 1987 йилда ташкил этилган. 2017 йилда Disney студияcи 21st Century Fox’дан сотиб олинган. Студия 13 та тўлиқ метражли мултьфилм чиқарган.
