Тошкентдаги Кичик ҳалқа автомобиль йўлида тезлик 60 км/соатгача чекланади

Халқ депутатлари Тошкент шаҳар кенгаши 10 октябрь куни пойтахтнинг Кичик ҳалқа автомобиль йўли ичида жойлашган барча кўчаларда транспорт воситаларининг ҳаракат тезлигини соатига 60 километргача чеклаш тўғрисида қарор қабул қилди.

Айрим кўчаларда транспорт воситаларининг ҳаракат тезлиги соатига 50 км/соатгача чекланади. Булар жумласига Алишер Навоий, Махтумқули, Амир Темур, Кичик ҳалқа автомобиль йўли, Ислом Каримов, Тарас Шевченко, Бобур ва Фурқат кўчаларининг бир қисми ва Амир Темур хиёбони айланма йўли киради.

Шунингдек, келгусида автомобиль тезлигини пасайтириш орқали йўл-транспорт ҳодисалари камайишига эришилган тақдирда пойтахтнинг барча кўчаларида тезликни пасайтириши бўйича таклиф киритилади.