Тошкент вилоятидаги мой ишлаб чиқариш цехида ёнғин келиб чиқди
Ҳодисадан тан жароҳати олганлар йўқ, дея хабар бермоқда ФВВ матбуот хизмати.
Хабарга кўра, 11 июнь куни соат 14:43да Юқоричирчиқ тумани Маърифат МФЙ Баҳор кўчасида жойлашган «EKO OIL PRODUKT» МЧЖ мой ишлаб чиқариш цехида ёнғин содир бўлган. Бунинг оқибатида бинонинг тахминан 60 кв.м. майдонига зарар етган.
Мазкур ҳолат юзасидан вилоят Фавқулодда вазиятлар бошқармасининг 6 та ёнғин-қутқарув экипажлари воқеа жойига етиб борган ва ёнғин қисқа вақт ичида бартараф этилган.
