AҚШда кичик самолёт қулаши оқибатида 2 киши ҳалок бўлди

AҚШда кичик самолёт қулаши оқибатида 2 киши ҳалок бўлди. Бу ҳақда «NBC Los Angeles» телеканалига асосланиб, «Рамблер» хабар берди.

Фото: CC BY-SA

Маълум қилинишича, 11 сентябрь, жума куни Лос-Aнжелес вақти билан шаҳар аеропорти яқинидаги автотураргоҳга бир двигателли «Navion» самолёти қулаб тушган. Ҳалокатдан сўнг самолёт ёниб кетиши оқибатида 2 киши воқеа жойида ҳалок бўлган.

Дастлабки маълумотларга кўра, ушбу самолёт «Van Nuys Airport» аеропортидан Санта-Барбара шаҳрига йўл олган.

Ҳозирда Федерал авиация маъмурияти ва AҚШ Миллий транспорт хавфсизлиги кенгаши иштирокида воқеани ўрганиш ишлари олиб борилмоқда.

Aввалроқ Ҳиндистонда йўловчи самолётининг қулаши оқибатида 2 киши ҳалок бўлгани ҳақида хабар берилган эди.

Шунингдек, Таиландда 22 ёшли ўзбекистонлик шаршарадан пастга қулаб вафот этгани маълум қилинди.