Самарқандда юк машинаси ёниб кетди
Самарқанд вилояти Булунғур туманида 12 октябрь куни «MAN» юк машинасида ёнғин чиқди.
Маълум бўлишича, соат 23:38 атрофида Олмазор МФЙдан ўтган йўлда ҳаракатланаётган «MAN» русумли тиркамали юк автомашинасида ёнғин содир бўлаётгани тўғрисида туман ФВБга хабар келиб тушган. Шунга кўра, 2 та ёнғин-қутқарув экипажи воқеа жойига соат 00:01 да етиб бориб, ёнғин соат 00:05 да қуршаб олинган ва соат 01:12 атрофида ўчирилган. Маълумот учун, энг яқин ёнғин ўчириш қисмдан ёнғин содир бўлган манзилгача масофа тахминан 18 километрни ташкил этади.
Ёнғин оқибатида юк машинасининг тиркамасига юкланган тахминан 25 тонна полиэтилен рулон ёниб зарарланган. Ҳодиса оқибатида ҳалок бўлган ва жабрланганлар йўқ. Ҳозирда ёнғин сабаби ва етказилган моддий зарар миқдори аниқланмоқда.
