Сирдарёда «чиройли» рақам — «20 002 ООО» қанчага сотилгани маълум бўлди
Сирдарё вилоятига тегишли бўлган «20 002 ООО» чиройли авторақами 18 январь куни ўтказилган онлайн савдоларда 100 миллион сўмдан ошиқ нархга сотилди. Бу ҳақда «Товар-хом ашё биржаси» ходими маълум қилди.
Фото: «Sirdaryo xabarlari»
Хабарга кўра, мазкур авторақамнинг бошланғич нархи 66 900 000 сўм бўлган. Якуний натижаларга асосан унинг нархи 97 674 000 сўм бўлган ва 5 фоиз авторақам нархига қўшимча воситачилик йиғими ҳам тўланган.
Жами нархи 102 миллион сўмдан ошган. Маълумот ўрнида, мазкур авторақамни ким харид қилганлиги тўғрисида хабар берилмаган.
Скрин: «Avtoraqam.uzex.uz»
Мавзуга доир:
- Аукционга қўйилган илк «чиройли рақам» — «30 Z 777 ZZ» қанчага сотилгани маълум бўлди
- Аукционга қўйилган «30 Z 777 ZZ» рақамини 600 миллион сўмга ким сотиб олгани маълум бўлди — видео
- «Бундан қиммат нархга бўлса ҳам олинарди». Аҳад Қаюм аукционда харид қилинган 600 млн сўмлик авторақам ҳақида гапирди
Аввалроқ Самарқанд вилояти учун 14 декабрь куни аукцион сотувга чиқарилган исталган ҳарф комбинациясидаги илк авторақам 4 январь куни 637 миллион 668 минг сўмга сотилгани ҳақида хабар берилганди.
