Россиялик аёл ўз исмини Россия Президенти деб ўзгартирди

Россия фуқароси ўз исмини Россия Президенти деб ўзгартирди. Бу ҳақда Day.Azʼга таяниб Xabar.uz маълумот берди.

Фото: «Mash Iptash»

Хабарга кўра, Россиянинг Зеленодольск шаҳри фуқароси Ирина Калимуллина ўз фамилиясини «Президент», исмини «Россия» қилиб ўзгартирган. Шарифини эса, аввалгидек – «Викторовна» ҳолича қолдирган.

Айтилишича, Россияга, яъни шундай исмли аёлга янги паспорт 2020 йил ёзида берилган.

Россия Президенти 39 ёшда, ота-онаси билан яшайди. Қизининг бу исм-фамилиясини хушламаган онаси ундан олдинги исмига қайтишини сўрамоқда.

Қўшниларнинг айтишича, Россиянинг доимий ёмон одати бўлган чекиш бир кун келиб унинг «бошини ейди». У бир сафар Нижневартовск — Москва йўналишидаги поездда чеккани учун жарима тўлашига ҳам тўғри келган.