Ўзбекистонда очилмаган жиноятлар тадқиқ этилади
Вазирлар Маҳкамаси қарори билан Адлия вазирлиги ҳузуридаги Х.Сулаймонова номидаги Республика Суд-экспертиза марказининг Суд-экспертлик илмий-тадқиқот институти фаолияти ташкил этилди.
Маълум қилинишича, институтнинг вазифаси суд-экспертиза соҳасида илмий-тадқиқот иши олиб бориш, экспертиза муассасаларига кўмак беришдан иборат. Шунингдек, инситут томонидан очилмаган жиноятларни тадқиқ этиш мақсадида статистик маълумот йиғилади.
Давлат ва нодавлат экспертиза ташкилотлари услубиятининг илмий жиҳатдан асосланганини кўриб чиқиш ва хулоса бериш институт томонидан амалга оширилади. Таъкидланишича, институт директори адлия вазири томонидан тайинланади ва озод қилинади.
