Эксклюзив: 2024 йил бошида ўзбекистонликлар қаерга учишни хоҳламоқда?

Сеул ўзбекистонликлар орасида энг кўп исталган йўналиш бўлиб қолмоқда. Бундан ташқари, иккита янги шаҳар кучли учликка кирган.

Aviasales.uz маълумотларига кўра, 2023 йилда Ўзбекистон фуқаролари учун энг талабгир йўналишлар Анталия, Сеул ва Бангкок бўлган. 2024 йил бошида фақат Жанубий Корея пойтахти Сеул ўз ўрнини сақлаб қолди, Пхукет ва Куала-Лумпур эса фуқаролар томонидан энг афзал кўрилган шаҳарлар рўйхатидан чиқарилди.

Шунингдек, 2024 йил биринчи чорагидаги ТОП-10 халқаро ҳаво йўналишлари номи ҳам эълон қилинди. Қаторасига иккинчи йил энг машҳур шаҳарлар бешлигига Москва, Истанбул, Олмаота, Дубай ва Санкт-Петербург кирди. Деҳли, Боку, Сеул, Сочи ва биринчи марта Туркиянинг Измир шаҳри рўйхатга кирган.

Аввалроқ, 2023 йилда энг арзон авиачипта Самарқанддан Москвага бор-йўғи 16 долларга учган омадли одамга насиб қилгани маълум бўлган эди. Ўзбекистонликлар орасида машҳур бўлган БААга йўналишлар ҳам эътибордан четда қолмади: масалан, Абу-Дабига чипталарни 20 долларга сотиб олиш мумкин эди.