Самарқандда навбатдаги «чиройли рақам» 233 млн сўм этиб баҳоланмоқда
Самарқанд вилояти учун 28 декабрь куни аукцион сотувга чиқарилган исталган ҳарф комбинациясидаги авторақам 6 январь кунига қадар 233 миллион 481 минг сўмга чиқди.
Скрин: «Avtoraqam.uzex.uz»
Маълумот ўрнида, «Avtoraqam» сайтида ушбу аукционнинг тугаш муддати 6 январь соат 18:17 этиб белгиланган. Маълумотлар базасида авторақамнинг нархи ҳар дақиқада ошиб бораётганини кўриш мумкин.
Эслатиб ўтамиз, авторақамлар онлайн аукционида исталган ҳарф комбинациясидаги авторақам «30 O 010 OO» 14 декабрь куни Самарқанд вилояти учун сотувга чиқарилган. Мазкур давлат рақамининг бошланғич нархи 66 миллион 900 минг этиб белгиланган. 6 январь соат 18:05 ҳолатига эса унинг нархи 233 миллион сўмдан ошган.
Мавзуга доир:
- Аукционга қўйилган илк «чиройли рақам» — «30 Z 777 ZZ» қанчага сотилгани маълум бўлди
- Аукционга қўйилган «30 Z 777 ZZ» рақамини 600 миллион сўмга ким сотиб олгани маълум бўлди — видео
- «Бундан қиммат нархга бўлса ҳам олинарди». Аҳад Қаюм аукционда харид қилинган 600 млн сўмлик авторақам ҳақида гапирди
Аввалроқ Самарқанд вилояти учун 14 декабрь куни аукцион сотувга чиқарилган исталган ҳарф комбинациясидаги илк авторақам 4 январь куни 637 миллион 668 минг сўмга сотилгани ҳақида хабар берилганди.
