Facebook ва Instagram Трамп профилларини блокдан чиқарди

АҚШнинг амалдаги президенти Дональд Трампнинг Facebook ва Instagram ижтимоий тармоқларидаги аккаунтлари 16 январь, жумадан шанбага ўтар кечаси блокдан чиқарилди, деб ёзмоқда «Korresponent».

Фото: Getty Images

Иккала платформада ҳам давлат раҳбарининг сўнгги постлари 6 январь — Вашингтондаги Капитолийга ҳужум қилинган кунда қолдирилган. Америка Конгресси биносидаги тартибсизликлар ортидан Трампни 12 та ижтимоий тармоқ ва платформа — Facebook, Twitter, Google, Spotify, Snapchat, Instagram, Shopify, Reddit, Twitch, YouTube, TikTok ва Pinterest блоклаган.

Эслатиб ўтамиз, 7 январь куни Facebook ва Instagram ижтимоий тармоқлари АҚШнинг амалдаги президенти Дональд Трампнинг аккаунтларини бир кунга музлатиб қўйгани, Twitter эса унга 12 соатлик чеклов жорий қилгани ҳақда хабар қилинган эди.

Шунингдек, Facebook ҳам 7 январь куни президентнинг аккаунтини 1 кунга музлатиб қўйган. «Биз Президент Трампнинг саҳифасида сиёсатимиз икки марта бузилганини аниқладик, натижада аккаунт 24 соатга блокланди», дейилган Facebook изоҳида. Бундан ташқари, Facebook’га тегишли Instagram ижтимоий тармоғи раҳбари Адам Моссери Facebook’дан хабарни ретвит қилган ва улар бир хил қарорга келганларини таъкидлаган.

Шу билан бирга, Twitter ижтимоий тармоғи маъмурияти АҚШнинг амалдаги президентининг аккаунтини бутунлай ўчириб ташлаган.