Ўзбекистонда вакцинанинг 2-дозасини олганлар сони эълон қилинди

Мамлакатда вакцинанинг 2-дозасини олганлар сони қарийб 500 минг нафарга етди, деб хабар бермоқда Соғлиқни сақлаш вазирлиги матбуот хизмати.

Хабарга кўра. 26 майда мамлакат ҳудудлари бўйлаб 55 714 доза COVID-19га қарши вакцина қўлланилган. Улардан:

• 1-босқич эмланганлар 27 139 нафарни,
• 2-босқичда эмланганлар 28 575 нафарни ташкил қилган.

Айни кунгача мамлакатда жами 1 738 830 доза вакцинадан фойдаланилди. Улардан:

• 1-босқич эмланганлар 1 239 736 нафарни,
• 2-босқичда эмланганлар 499 094 нафарни ташкил қилди.

Қайд этилишича, 26 май кунидаги эмлаш кўрсаткичлари бўйича юқори ўринларни:

• Тошкент шаҳри (7 221 доза),
• Тошкент вилояти (6 841 доза),
• Фарғона вилояти (6 242 доза) банд қилди.

Жами эмлашлар бўйича юқори кўрсаткичлар:

• Фарғона вилоятида 228 082 доза,
• Андижон вилоятида 208 562 доза,
• Наманган вилоятида 197 215 дозани ташкил қилмоқда.

Эмлаш жараёнлари давом этади.