Самарқандда 5 млрд сўм кредит қарздорлиги бўлган «Aгрокимёҳимоя»нинг маъмурий биноси хатланди
Самарқанд вилояти Самарқанд шаҳрида банкдан 5 миллиард сўм кредит қарздорлиги бўлган «Aгрокимёҳимоя» AЖнинг маъмурий биноси хатланди. Бу ҳақда Мажбурий ижро бюроси ахборот хизмати «Tez News»га хабар қилди.
Фото: Мажбурий ижро бюроси ахборот хизмати
Хабарга кўра, Мажбурий ижро бюроси Самарқанд бўлими иш юритувида Самарқанд шаҳар иқтисодий судининг 20 апрелдаги ижро ҳужжатига асосан қарздор «Aгрокимёҳимоя» ационерлик жамиятидан банк фойдасига жами 5 миллиард сўм кредит қарздорлгини ундириш тўғрисидаги ижро ҳужжати келиб тушган.
Таъкидланишича, мазкур ижро ишини юритиш бўйича қарздор бир неча бор огоҳлантирилган бўлса-да, ижро ҳужжатидаги талабларни ихтиёрий бажармаган. Олиб борилган ижро ҳаракатлари давомида, ижро ҳужжати билан ундирувга қаратилган ва гаров мулки бўлган Самарқанд шаҳар, Спитаменшоҳ кўчаси 153-уйда жойлашган маъмурий бино қарздорликни қоплаш мақсадида хатланган. Ҳозирда «Е-ИЖРО» онлайн савдо майдончасига сотувга чиқарилмоқда.
Аввалроқ Наманган шаҳрида 3 та МЧЖнинг қарздорлиги сабаб 300 миллион сўмдан ортиқ мол-мулки хатлангани, Риштон тумани ҳокимлигидан фуқарога 148 миллион сўм ундирилгани ҳақида хабар қилинганди.
