Бухорода ўзини болалари билан сувга чўктиришга уринган аёлга ҳукм чиқарилди
Жиноят ишлари бўйича Бухоро вилояти Ромитан туман суди ўз жонига қасд қилиб, фарзандларини чўктиришга уринган аёлга нисбатан ҳукм чиқарди. Бу ҳақда «Bu kun» репортажида хабар берилди.
Ҳодиса 2025 йил март ойида «Юзон» маҳалласида содир бўлган. Шарий никоҳида бўлган аёл, эрининг бошқа бир қизга уйланишга қарор қилганини билиб қолади.
Шундан сўнг аёл икки фарзандини уйдан олиб чиқиб, канал томон йўл олади. Аввалига у катта ўғлини сувга ташлайди, сўнг кичигини ушлаб ўзини хам каналга отади.
Натижада, катта ўғлини атрофдагилар қутқаради, кичигини эса судланувчининг ўзи сувдан олиб чиққади.
Суд аёлни Жиноят кодексининг 97-моддаси 2-қисми «а» ва «в» бандлари билан, 25-моддаси (қасддан одам ўлдиришга уриниш) билан айбдор деб топди. У тўрт йиллик қамоқ жазосига ҳукм қилинди.
