Самарқандда автобус трактор тиркамасига урилди
Самарқанд вилоятида Yutong автобуси трактор тиркамаси билан тўқнашди. Бу ҳақида вилоят ЙҲХБ хабар берди.
Ҳодиса 30 октябрь куни соат 21:00 ларда Нарпай тумани «Дидан» МФЙ ҳудудидан ўтувчи йўлда содир бўлди.
Унда Yutong Bus ZKB 122 русумли автобус ҳайдовчиси Самарқанд-Бухоро йўналишида бошқариб келиб, йўлнинг белгиланган қисмидан қайрилиб олаётган, ўзи билан бир йўналишда ҳаракатланиб кетаётган TTZ 80.1 русумли тракторининг тиркамасига келиб урилган.
Оқибатда автобус йўловчиси шифохонага ётқизилган.
Ҳолат юзасидан Нарпай тумани ИИБ ЖХХ ЙҲХГ томонидан дастлабки суриштирув ишлари олиб борилмоқда.
