Жиззахда вагонда селфига тушмоқчи бўлган ўсмирни ток урди
Жиззах вилоятининг Ғаллаорол туманида ўсмир йигитни вагон устида ток урди, деб хабар бермоқда Millar информацион дастури.
Ҳодиса 24 апрель куни Маржонбулоқ темир йўл станциясида содир бўлган. Аниқлик киритилишича, 7-синфда ўқийдиган 14 ёшли ўқувчи расмга тушиш мақсадида вагон устига чиққан ва натижада уни ток урган.
Жабрланувчи шифохонага етказилиб, жонлантириш бўлимига ётқизилган. Ўсмирда танасининг 35–40% қамраб олган иккинчи ва учинчи даражали куйиш ташхиси қўйилган.
Мазкур ҳолат юзасидан терговга қадар текширув ҳаракатлари олиб борилмоқда.
