«Мен сиёсатга аралашмаганимга 15 кун бўлди. Онам хурсанд. 15 кун давомида мен сиёсий мавзуда ҳеч қандай эшиттиришлар қилмадим. Ҳар бир эшиттиришдан кейин онамнинг умри беш йилга қисқарган. Ота-онамнинг кўз ёшлари ҳар куни менга жуда қимматга тушди. Шундай экан, эртага мен президент бўлсам ҳам, уларга бирон нарса бўлса ҳам, кўнглим тўлмайди. Бутун жамоатчиликдан узр сўрайман. Ҳозирча сиёсатдан четга чиқаман», — деди Жаҳонгир Отажонов.
Қайд этилишича, у партиядошларидан узр сўраган.
Элатиб ўтамиз, аввалроқ «Биз эса йўлда давом этамиз» – Жаҳонгир Отажонов ўз партияси атрофида тарқалган хабарларга муносабат билдирган эди.
Шунингдек, «Жаҳонгир Отажонов президентликка номзодини қўймоқчиман дегани фожиа эмас. Мен хурсанд бўлдим…» — Расул Кушербаев муносабат билдирган эди.
