Самарқандда техникум ўқувчилари ЙПХ ходимининг қонуний талабларига бўйсунмасдан, уни ҳақорат қилди

Ҳуқуқ-тартибот идоралари ходимлари қоидабузарларни аниқлаб, тегишли ҳужжатларни расмийлаштирди. Тўпланган ҳужжатлар прокуратура органларига юборилди

Самарқанд вилояти Иштихон туманида ЙПХ ходимининг қонуний талабига бўйсунмасдан, уни ҳақорат қилган техникум ўқувчиларининг шахсига аниқлик киритилди. Бу ҳақда вилоят ИИБ ЙҲХБ матбуот хизмати маълум қилди.

Таъкидланишича, ўқувчилар ижарага олинган автомашинада ҳаракатланган. Ўрганишлар давомида уларнинг техникум талабалари эканлиги аниқланган.

Мазкур ҳолат юзасидан ўқувчилар таҳсил олаётган таълим муассасасида танқидий муҳокама ўтказилди. Тўпланган ҳужжатлар қонуний қарор қабул қилиш учун прокуратура органларига юборилди.