Эндиликда premium-фойдаланувчилар ўз вақтини яширган ҳолда контактлар иловага қачон кирганини кўриши мумкин

Илгари фойдаланувчи ўз статусини бошқа одамдан яшириб, унинг сўнгги фаоллик вақтини кўриш имкониятидан маҳрум бўларди.

Бугун (18-январь куни) Telegram Premium-фойдаланувчилар учун янги функцияни тақдим этди. Эндиликда сўнгги фаоллик вақтини яширишга қарор қилган Рremium-фойдаланувчилар вақтини яширмаган бошқа фойдаланувчиларнинг сўнгги фаоллик вақтини кўриши мумкин.

Эътиборли жиҳати шундаки, фойдаланувчилар бошқаларнинг сўнгги фаоллик вақтини у онлайн-статусини сиздан яширмаган ҳолатдагина кўриши мумкин. Telegram Premium’га обуналик бошқа фойдаланувчиларнинг маҳфийлик созламаларини четлаб ўтиш ҳуқуқини бермайди.

Эслатиб ўтиш лозимки, илгари бошқа одамдан ўз статусини яшириб, фойдаланувчи унинг сўнгги фаоллик вақтини кўриш имкониятидан маҳрум бўларди, гарчи у барча учун очиқ бўлса ҳам.