Тошкентда 1 июлдан тиббий суғурта тизими ишга туширилади
Тошкентда 1 июлдан бошлаб тиббий суғурта тизими йўлга қўйилади.
Президент Шавкат Мирзиёев Олий Мажлисга йўллаган мурожаатномасида 2023 йилдан бошлаб Давлат тиббий суғурта тизими Тошкент шаҳрида, босқичма-босқич бошқа вилоятларда жорий этилишини таъкидлаганди.
«Давлат тиббий суғурта тизимини Тошкент шаҳрида жорий қилиш учун барча имкониятлар мавжуд. Биз ўзимизга мажбурият олган ҳолда Навоий вилоятида ҳам тиббий суғуртани йўлга қўямиз», — деган Иноятов.
Тошкент шаҳридаги 72 та поликлиника ва 40 та шифохонани компьютер жиҳозлари, зарур тиббий ускуналар билан таъминлашга 30 миллиард сўм йўналтирилади. Тиббиёт муассасалари тўлиқ рақамлаштирилиши ҳисобига ҳар бир бемор қачон, қаерда ва қандай даволаниши ҳақида аниқ маълумотга эга бўлади.
