Тошкент—Нью-Йорк—Тошкент йўналиши бўйича авиақатновлар вақти маълум қилинди

«Uzbekistan Airways» AЖ 2020 йил 17 ва 27 сентябрь кунлари  Тошкент—Нью-Йорк—Тошкент йўналиши бўйича қатновларни амалга оширади. Бу ҳақда «Uzbekistan Airways» AЖ матбуот хизмати хабар берди.

Парвозлар қуйидаги кўрсатилган йўналишда амалга оширилади (маҳаллий вақт кўрсатилган):

Тошкент—Нью-Йорк

Тошкентдан кетиш вақти — соат 06:45, Нью-Йоркка қўниш вақти — соат 10:55

Нью-Йорк—Тошкент

Нью-Йоркдан кетиш вақти — соат 12:55, Тошкентга қўниш вақти — соат 09:55 +1.

Тошкент—Нью-Йорк қатновларига авиачипталарни авиакомпаниянинг «Uzbekistan Airways sales» филиалида ва расмий веб-сайтида (шу жумладан, AО мобил иловаси орқали) ҳамда «Uzbekistan Аirways» ташувларини сотиш агентликлари офисларидан сотиб олиш мумкин.

Нью-Йорк—Тошкент йўналиши бўйича авиачипталарни сотиб олиш учун Ўзбекистоннинг Нью-Йоркдаги Бош консуллигига мурожаат этиш лозим.

Аввалроқ Ўзбекистон 4 сентябрдан 5 та йўналиш бўйича халқаро авиаватновларни тиклаши хабар қилинган эди.