Ўзбекистонлик фуқаро наркотик сотгани учун тўққиз йилга озодликдан маҳрум этилди
Россиянинг Волгоград вилоятида ноқонуний наркотик сотган Ўзбекистон фуқаросига тўққиз йиллик қатъй тартибли колонияда қамоқ жазоси тайинланди. Бу ҳақда «Городские вести» хабар берди.
Аниқлик киритилишича, 2024 йилнинг 1 январь куни 23 ёшли ўзбекистонлик йигит кураторидан наркотикларни олиш учун автомобилида Волгограддаги Трактор заводга етиб келган.
«Товар»ни узатиш контактсиз усулда интернетдаги суҳбат орқали амалга ошган. Махфий жойда тақиқланган модда — 168,524 гр меткатинон аралашмаси бўлган. Кураторнинг кўрсатмасига биноан хорижлик йигит уни Волгоградда сотиши керак эди, аммо улгурмади. Жиноятчининг ҳаракатларини полиция ходимлари тўхтатиб қолишди», –дейилган хабарда.
Суд ўзбекистонликни келишилган гуруҳ таркибида йирик миқдордаги наркотик моддаларни сотишга уринишда айбдор деб топди.
Уни қатъий тартибдаги колонияда 9 йил қамоқ жазоси тайинланди.
