Тошкентда фуқарони ўқишга киритиб қўйиш эвазига пул талаб қилган шахс ушланди
Яккасарой туманида Тошкент давлат юридик Университетига ўқишга киритиб қўйишни ваъда қилган шахс ушланди. Бу ҳақда Прокуратура департаменти хабар қилди.
Фото: Прокуратура департаменти
Хабарга кўра, фуқаро М.О. бошқа бир фуқаро А.нинг ишончига кириб, унинг жиянини ўзининг юқори лавозимда ишловчи танишлари орқали Тошкент давлат юридик университетига ўқишга киритиб қўйиш эвазига 10 000 АҚШ долларини олган вақтида ашёвий далиллар билан Бош прокуратура ҳузуридаги Департаментнинг туман бўлими томонидан ушланган.
Мазкур ҳолат юзасидан Жиноят кодексининг 168 (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
