Ўзбекистонда ОТМларга кириш имтиҳонлари 2 сентябрдан бошланади
AОКA мажлислар залида 7 август, жума куни Олий ва ўрта махсус таълим вазирлиги ва Давлат тест маркази мутасаддилари иштирокида матбуот анжумани ўтказилди.
Фото: Давлат тест маркази матбуот хизмати
Ушбу тадбирда Давлат тест маркази директори ўринбосари Сардор Ражабов Ўзбекистон ОТМларига кириш имтиҳонлари 2 сентябрдан бошланишини маълум қилди.
Тест синовлари очиқ стадионларда кунига 2 сменада ташкил этилади. Жисмоний тарбия ва спорт вазири Дилмурод Набиевнинг маълум қилишича, тест синовларини ўтказиш учун республикадаги 155 та стадион ўрганиб чиқилиб, улардан 40 га яқини танлаб олинган.
Эслатиб ўтамиз, аввалроқ Ўзбекистонда ОТМларга кириш имтихонлари усти очиқ стадионларда ўтказилиши маълум қилинган эди.
