Хитой ва Ҳиндистон ўзаро чегара ҳудудидан қўшинларини олиб чиқиша бошлади
Хитой ва Ҳиндистон 10 февраль куни эришилган келишувларга биноан қўшинларни Пангонг-Цо кўли ҳудудидан олиб чиқа бошлади, ушбу ҳаракатлар эришилган келишувларга мувофиқ амалга оширилади. Бу ҳақда ХХР Мудофаа вазирлигига таяниб ТАСС ахборот агентлиги хабар берди.
«Икки тараф ҳам бир вақтда келишувларнинг тўққизинчи раундида эришилган келишувга асосан режалаштирилган чегара ҳудудидан ҳарбийларни олиб чиқишга киришишди», — дейилади хабарда.
Қайд этилишича, 2020 йил май-июнь ойларида чегарадаги Шарқий Ладах ҳудудида Хитой ва Ҳиндистон аскарлари ўртасида тўқнашувлар содир бўлган. Тўқнашувда 20 нафар ҳинд ва 45 га яқин хитойлик аскарлар ўлдирилган. Шундан сўнг, Ню-Деҳли ва Пекин ўз қўшинларининг ушбу ҳудуддаги концентрациясини оширди, уларнинг ҳар икки томонидаги сони тахминан 50 минг кишига етади.