Ўзбекистон бозорида мавқеини сақлаб турган компаниялар рўйхати янгиланди
Ўзбекистонда бозорида устунлигини сақлаб турган компаниялар рўйхатига 107 хил маҳсулот ва хизмат кўрсатиш тури бўйича 93 та компания киритилди. Бу ҳақда Монополияга қарши курашиш қўмитаси маълум қилди.
Фото: gd.ru
Маълум қилинишича, 1 май ҳолатига кўра, Ўзбекистонда 93 та компания 107 хил маҳсулот ва хизмат кўрсатиш тури бўйича бозорда ўз устунликларини сақлаб турибди.
Таъкидланишича, рўйхатда ўтган йилгига нисбатан битта компания кам, бироқ икки хил маҳсулот ёки хизмат кўрсатиш турига кўпроқ.
Рўйхатдаги компанияларнинг деярли барчаси давлат улушларига эга. Шу жумладан, UzAuto Motors, Автоойна, Ўзмиллибанк, Ucell, биржалар (валюта, фонд, товар ва хом ашё) ва бошқалар рўйхатга кирган.
Қайд этилишича, рўйхатда хусусий компаниялар унчалик кўп эмас — Beeline, Uzcard, Хоразм шакар заводи ва бошқалар.
