Қирғизистон Ўзбекистоннинг эмланганлик сертификатини тан олди

Ўзбекистон ва Қирғизистон ҳукуматлари эмланганлик сертификатлари ўзаро тан олди.

Ўзбекистон Республикаси Ҳукумати ва Қирғизистон Республикаси Ҳукумати миллий даражада COVID-19 пандемиясига қарши курашиш борасида, шу жумладан, иқтисодий ва ижтимоий соҳаларда амалга ошираётган кечиктириб бўлмайдиган чора-тадбирларни баҳолаган.

Шунга кўра томонлар давлатларининг ҳудудини COVID-19 инфекциясининг кириб келиши ва тарқалишидан юқори даражада ҳимоя қилиш юзасидан кўрилаётган қатъий ва кенг кўламдаги чора-тадбирлар муҳимлилигини таъкидлаб, ваколатли органлар томонидан берилган COVID-19 гa қарши эмланганликни тасдиқловчи расмий сертификатларни ўзаро тан олишга келишиб олган.

Ушбу келишув жорий йилнинг 26 мартидан кучга кирган.