Ўзбекистонда 15 февраль куни қандай об-ҳаво бўлиши маълум қилинди
15 февраль куни Ўзбекистонда илиқ ва қуруқ об-ҳаво сақланиб туради. Бу ҳақда «Ўзгидромет» хабар берди.
Баъзи жойларда туман тушиши мумкин. Шамол шарқдан 7-12 м/с тезликда эсади. Ҳаво 15-20 даража, жанубда 20-25 даражагача исийди.
Тошкентда ҳаво бироз булутли бўлади, ёғингарчилик кутилмайди. Шамол 3-8 м/с тезликда эсади. Ҳаво ҳарорати кун давомида 18-20 даража илиқ бўлади.
Тоғли ҳудудларда ёғингарчилик кутилмайди. Баъзи жойларда туман тушиши мумкин. Қор кўчиши хавфи бор. Шамол 7-12 м/с тезликда эсади. Ҳаво ҳарорати 5-10 даража атрофида бўлади.