Таниқли бизнесмен вафоти билан боғлиқ айбловлардан сўнг: Тимур Хайдаров клиникаси тинтув қилинди
Россия манбалари хабар беришича, ҳозир юлдузли хирург клиникаси тинтув қилинмоқда. Тинтув жойида хирургнинг рафиқаси Светлана Сильвашини ҳам пайқашди.
Эҳтимол, тинтув ишлари бизнесмен ва продюсер Пётр Гаврилов вафотидан сўнг бошланган.
Қайд этмоқчимиз, Тимур Хайдаровнинг ўзи аллақачон вазиятга муносабат билдирди.
«Пётр Гавриловни Илья Елагин операция қилган. Елагин бундай операцияларнинг 3000 дан ортиғини ўтказган. У тажрибали мутахассис. 35 ёшли Гавриловнинг ошқозонини кесиш муаммосиз ўтди. Беморнинг аҳволи кечқурун ёмонлашган. Ўшанда клиника врачлари Гавриловга катта тиббиёт марказига мурожаат қилишни маслаҳат беришган. Мен унинг қариндошлари билан муносабатим яхши ва уларга ёрдам беришга ҳаракат қиляпман», – деди хирург.
Хабарга кўра, эркак пластик хирург Тимур Хайдаровннг клиникасида ошқозонини кичрайтириш бўйича операциядан сўнг вафот этган. Операция 17-февраль куни ўтказилган ва бемор ўзини яхши ҳис қилгани учун унга жавоб беришган. Аммо бир неча кундан сўнг Пётрнинг аҳволи оғирлашди.
