Навоийда «Damas»да 29 бош қўй олиб кетилаётгани аниқланди
Навоий вилояти Кармана туманида ўтказилган рейд тадбирларида бухоролик ҳайдовчи «Damas»да 29 бош қўй олиб кетаётгани аниқланди.
Маълум қилинишича, ҳайдовчи ички ишлар ходимлари ишорасига бўйсунмай, машина тезлигини ошириб, қочиб кетган. У хонадонлардан бирининг дарвозахонасига кириб тўхтаган. Шундан сўнг ҳайдовчининг шахсига аниқлик киритилган.
«Машинада қўй бор, ҳужжатларим мавжуд», дейди ҳайдовчи. Аниқланишича, фуқаро тегишли ҳужжатсиз машина бошқариб келаётган бўлган. Мазкур ҳолат юзасидан ҳайдовчига нисбатан белгиланган тартибда чора кўрилган.
