Ўзбекистонда парранда гўшти экспортига қўйилган чекловлар бекор қилинди
Президент Шавкат Мирзиёев паррандачиликни қўллаб-қувватлаш, замонавий генетик технологиялар ва кооперация тизимини жорий этишга қаратилган қарорни имзолади. Бу ҳақда Адлия вазирлиги матбуот ҳизмати хабар бермоқда.
Қарорга кўра, Ўзбекистонда «Агро-паррандачилик кластери» лойиҳаси амалга оширилиб, у кооператив тизимга асосланади.
Эндиликта, 2030 йил 1 январьга қадар паррандачилик маҳсулотлари ишлаб чиқариш билан шуғулланувчи тадбиркорлик субъектлари юридик шахслардан ундириладиган ер солиғини (экин экиладиган ерлардан ташқари) тўлашдан озод этилади.
Шу билан бирга, 2024 йил 1 июльдан парранда гўшти экспортига қўйилган чекловлар бекор қилинади. Жорий йилнинг 1 октябридан бошлаб янги, совутилган ёки музлатилган парранда гўшти ҳамда қўшимча озиқ-овқат маҳсулотларини олиб кириш учун белгиланган божхона тўлови бўйича белгиланган имтиёз бекор қилинади.
