Қашқадарёда 114 ёшли аёлга туғилганлик ҳақида ҳужжат берилди
Қашқадарё вилояти Миришкор туманида 114 йилдан буён шахсини тасдиқловчи ҳужжатсиз яшаб келган Ҳайит Байрамовага туғилганлик факти белгиланди, тез орада унга паспорт ҳам топширилади.
Маълум қилинишича, Юксалиш маҳалласида яшовчи аёлнинг фарзанди туман адлия бўлимига 1908 йилда туғилган онасининг туғилганлик фактини белгилашда амалий ёрдам сўраб мурожаат этган. Адлия тўпланган ҳужжатларни ФИБ Касби туманлараро судига киритган.
28 март куни Фуқаролик ишлари бўйича Касби туманлараро суди раиси Ш.Тўхтаев раислигида Ҳайит Байрамова яшаётган хонадонда сайёр суд бўлиб ўтган.
