Наманганда аёллар бозорда жанжал уюштирди
Наманган вилоятининг Наманган шаҳридаги бозорда 29 март куни аёллар жанжал уюштиргани маълум қилинди.
Келтирилишича, ҳодиса шаҳарда жойлашган «Чорсу» деҳқон бозори ҳудудида ташкил этилган ярмаркада картошка маҳсулоти арзонлаштирилган ҳолда сотилган жараёнда юзага келган. Бозор ичида савдо қилаётган бир нечта аёллар картошканинг нархига эътироз билдириб, жамоат тартибини ва фуқароларнинг осойишталигини бузувчи ҳатти-ҳаракатларни содир этган.
Қайд этилишича, ҳолат юзасидан ҳудудий Ички ишлар бўлими ва профилактика инспекторлари томонидан ўрганиш ишлари олиб борилган. Ҳуқуқбузарлик содир этган шахсларга нисбатан тегишли тартибда хужжатлар расмийлаштирилган.
