Ўзбекистонга яна 1 миллион доза ZF-UZ-VAC2001 вакцинаси олиб келинди

30 июнь куни мамлакатга яна 1 миллион доза ZF-UZ-VAC2001 вакцинаси олиб келинди. Бу ҳақда Соғлиқни сақлаш вазирлиги матбуот хизмати хабар берди.

Фото: Соғлиқни сақлаш вазирлиги матбуот хизмати

Қайд этилишича, бу ушбу вакцинанинг Ўзбекистонга келтирилган 7-партияси бўлиб, худди шунча миқдорда кеча ҳам келтирилган эди.

Шунингдек, бундан аввал ZF-UZ-VAC2001нинг:

• 27 мартда — 1 миллион доза,
• 27 апрелда — 1 миллион доза,
• 18 майда — 1 миллион доза,
• 19 майда — 500 минг доза,
• 10 июнда — 1 миллион доза,
• 28 июнда — 1 миллион доза партиялари келтирилган.

Шундай қилиб, Ўзбекистоннинг вакцина захираси 7,4 миллион дозага етган ҳамда айни пайтга қадар шундан 3,5 миллион дозадан ортиғи вакцинация жараёнларида қўлланилди.

Аввалроқ, Ўзбекистонга яна 1 миллион доза вакцина олиб келинди деб хабар берган эдик.