Ўзбекистонда ярим йилда давлат бюджети даромадлари 92,6 трлн сўмни ташкил қилди
Ўзбекистонда 2022 йилнинг I ярим йиллиги учун Давлат бюджетининг даромадлари 92,6 триллион сўмни ташкил этди.
Бюджет даромадларининг ижроси бўйича дастлабки натижаларига кўра, кўрсаткич 2021 йилнинг I ярим йиллигига нисбатан 17,8 триллион сўм (+23,7 фоиз) кўп бўлган. Солиқ тушумлари 71 триллион сўмни ёки даромадлар умумий ҳажмининг 76,7 фоизни ташкил этди. Божхона тушумлари 21,5 триллион сўмни ёки умумий ҳажмининг 23,2 фоизни ташкил этган.
Давлат буджети даромадларининг ялпи ички маҳсулотга нисбати 2022 йилнинг I ярим йиллигида 24,5 фоизни ташкил этган ва 2021 йилнинг шу даврига нисбатан 1 фоиз пунктга ошди. ЯИМга нисбатан улушнинг ошиши асосан билвосита солиқлардан даромадлар ва солиқ бўлмаган тушумларнинг ўсиши билан изоҳланади.
