Қорақалпоғистоннинг айрим туманларида иссиқ об-ҳаво сабаб боғчалар фаолияти вақтинча тўхтатилади

Бу қарор болаларнинг соғлиғини иссиқ ҳавонинг таъсиридан ҳимоя қилиш ва хавфсизлигини таъминлаш мақсадида қабул қилинган

Қорақалпоғистоннинг айрим шаҳар ва туманларида иссиқ об-ҳаво туфайли давлат ва хусусий боғчалар фаолияти вақтинча тўхтатилади, деб хабар бермоқда Қорақалпоғистон Мактабгача ва мактаб таълими вазирлиги матбуот хизмати.

Об-ҳавонинг кескин исиб кетиши муносабати билан қуйидаги ҳудудлардаги давлат мактабгача таълим ташкилотларининг фаолияти вақтинча тўхтатилади:

• Нукус шаҳри — 2026-йил 13-июльдан 18-июльгача;

• Амударё тумани — 2026-йил 13-июльдан 15-июльгача;

• Беруний тумани — 2026-йил 13-июльдан 17-июльгача;

• Хўжайли тумани — 2026-йил 13-июльдан 18-июльгача;

• Тахиатош тумани — 2026-йил 13-июльдан 18-июльгача;

• Шуманай тумани — 2026-йил 13-июльдан 17-июльгача;

• Мўйноқ тумани — 2026-йил 13-июльдан 17-июльгача;

• Қонликўл тумани — 2026-йил 13-июльдан 17-июльгача;

• Тўрткўл тумани — 2026-йил 13-июльдан 17-июльгача.

Ишни вақтинча тўхтатиш тартиби Санитария-эпидемиологик осойишталик ва жамоат саломатлиги бўлимларининг тегишли хулосалари ва тавсияларига мувофиқ амалга оширили таъкидланди.