Ўзбекистонда «омикрон» штами аниқлангани нима учун орадан икки кун ўтиб эълон қилинди?
Санитария-эпидемиологик осойишталик ва жамоат саломатлиги хизмати бошлиғининг биринчи ўринбосари Холмамат Норбоев Ўзбекистонда «омикрон» штами аниқлангани нима учун орадан икки кун ўтиб эълон қилингани ҳақида гапирди.
Қайд этилишича, самолётда бемор билан бирга келган 200 киши карантинга олинган. 130 нафар Ўзбекистон фуқароси уй, 70 нафар хорижий фуқаро меҳмонхона шароитида каратинга олинган.
«‘Омикрон’ штами, дастлаб, 7 январь куни аниқланди. Бироқ ушбу диагноз бўйича дунёнинг етакчи мутахассислари билан маслаҳатлашиш, узоқ текширувлар ўтказиш ва уни тасдиқлаш билан боғлиқ жараёнлар туфайли уни ўз вақтида эълон қилиш имкони бўлмади ва икки кундан сўнг жамоатчиликка маълум қилинди», — деди Холмамат Норбоев.