Расмий баёнот: Тошкент вилоятида бўёқ ишлаб чиқариш цехи ёниб кетди
Тошкент вилоятининг Зангиота туманида, бўёқ ишлаб чиқариш цехида кучли ёнғин содир бўлди, деб хабар берди Фавқулодда вазиятлар вазирлиги матбуот хизмати.
Аниқланишича, бугун 10 сентябрь куни соат 14:15да Зангиота тумани, «Эркин» МФЙда жойлашган бўёқ ишлаб чиқариш цехи биносида, ёнғин юзага келгани ҳақида Тошкент вилояти ФВБга хабар келиб тушган.
Шундан сўнг, воқеа жойига ёнғин ўчириш экипажлари етиб боришган, айни вақтда ёнғинни ўчириш ишлари олиб борилмоқда.
Ёнғин натижасида тан жароҳати олган ва вафот этган фуқаролар тўғрисида хабар келиб тушмади, — дейилади хабарда.
