Хоразмда ёқилғи систернасини тозалаётган йигит заҳарланиб ҳалок бўлди

Хоразм вилояти Шовот туманида 27-март куни бензин систернасини тозалаётган йигит заҳарланишдан ҳалок бўлди. Бу ҳақда Бош прокуратурага таяниб, «Дарё» ёзмоқда.

Қайд қилинишича, «Шохобод 2022» ёқилғи қуйиш шохобчаси ишчи-оператори И.К. (1999-йилда туғилган) аввал ҳам 4 марта бу ишни бажариб, хизмат ҳақи олган З.Р.дан систерна ичини тозалашни сўраган.

З.Р. вақти йўқлигини билдириб, ўғли M.O.ni (2004 й.т.) юборган. Йигит систернага нарвон билан тушиб, белкурак ёрдамида тозалашни бошлаган. Шу пайт систерна ичидаги ёқилғи қолдиқлари ҳидидан заҳарланиб, ҳушидан кетган.

И.К. уни қутқаришга ҳаракат қилган, аммо ўзи ҳам ҳаво етишмовчилиги туфайли ҳушини йўқотган. Уни бошқа шахс систернадан чиқаришга муваффақ бўлган, аммо 21 ёшли М.О. ичкарида қолиб кетган.

Ҳодиса юзасидан терговга қадар текширув ишлари олиб борилмоқда.