Хитой мамлакатга келувчиларни огоҳлантирди
Хитой мамлакатга келаётган хорижликлар ва мамлакат фуқароларини Пекинга бормасликка чақирди.
Маълум қилинишича, мазкур қарор пойтахтда коронавирус инфекцияси тарқалишининг олдини олиш мақсадида эшиттирилган. Бу, шунингдек, Хитой чегара-ўтказиш пунктларига яқин жойлашган шаҳарлар аҳолисига, сўнгги икки ҳафта ичида ушбу аҳоли пунктларига ташриф буюрган фуқароларга ҳам тегишли ҳисобланади.
Таъкидланишича, шошилинч масалалар бўйича Пекинга бориши керак бўлган ҳар бир киши 48 соатдан кечиктирмай салбий ковид тестини топшириши керак. Ушбу мурожаат юзасидан қандай чоралар кўрилиши ҳақида аниқ маълумот берилмаган.
Маълумот ўрнида, октябрдан Хитойнинг материк қисмида 1,2 мингдан ортиқ коронавирус ҳолати аниқланган. Уларнинг катта қисми шимоли–шарқда ва шимолда Россия ҳамда Мўғулистон билан чегарадош аҳоли пунктларига тўғри келади. Ҳозирги вақтда инфекция тарқалишининг эпицентри Далянь порт шаҳри бўлиб, у ерда карантин талабларига қарамай, касалланиш сони ортмоқда. Мамлакатда 13 сентябрь кун 89 та янги касалланиш ҳолати аниқланган. Улардан 19 нафари хориждан келган ва 70 нафари вирусни мамлакат ичида юқтирган.
