Андижондаги ҳибсхонада маҳкум вафот этди
Ички ишлар вазирлиги матбуот котиби ижтимоий тармоқда тарқалган, Андижондаги ҳибсхонада маҳкум вафот этгани ҳақидаги хабар юзасидан маълумот берди.
Маълум бўлишича, 21 март куни соат тахминан 15:00 да ИИВ ҳузуридаги ЖИЭД 3-сон тергов ҳибсхонасида маҳбус М.С. камерада бирга сақланаётган маҳбус У.Ж. билан ўзаро жанжал оқибатида бир-бирларига тан жароҳатини етказган.
Оқибатда маҳбус М.С. олинган жароҳатлар оқибатида кўрсатилган тиббий муолажаларга қарамасдан, вафот этган, маҳбус У.Ж. муассасага қарашли касалхонада даволанмоқда.
Ҳолат юзасидан Андижон шаҳар прокуратураси томонидан Жиноят кодексининг 104-моддаси (Қасддан баданга оғир шикаст етказиш) 3-қисми «д» банди билан жиноят иши қўзғатилиб, тергов ҳаракатлари олиб борилмоқда.
