Наманганда ўтган саккиз ойда салкам 3 трлн сўмлик қурилиш ишлари бажарилди

Наманган вилоятида ўтган саккиз ойда 2 миллиард 761,6 миллион сўмлик қурилиш ишлари бажарилди. Бу ҳақда вилоят статистика бошқармаси ахборот хизмати хабар қилди.

Фото: «Tez News»

Хабарга кўра, мазкур кўрсаткич бўйича ўсиш суръати 2019 йилнинг мос даврига нисбатан 11,7 фоизга ортган. Шунингдек, маълум қилинишича, қурилиш ишлари таркибида:

• кичик корхона ва микрофирмалар томонидан — 1 миллиард 681,7 миллион сўм;
• норасмий секторлар томонидан — 773,5 миллиард сўм;
• йирик қурилиш корхоналари томонидан бажарилган ишлар 306,4 миллиард сўмни ташкил қилган.

Қайд этилишича, ҳудудлар кесимда бажарилган қурилиш ишларида энг катта улуш:

• Наманган шаҳар — 791,0 миллиард сўм;
• Косонсой — 294,6 миллиард сўм;
• Уйчи — 285,7 миллиард сўм туманларида кузатилган.

Маълумот ўрнида, 2020 йил 1 cентябрь ҳолатига кўра қурилиш соҳасида корхона ва ташкилотлар сони 2199 тани ташкил этиб, ўтган йилнинг мос даврига нисбатан 342 тага ошган.