Ўзбекистонда COVID-19’га қарши неча доза вакцина қўллангани маълум қилинди
3 июнь кун давомида 52 минг дозадан ортиқ вакцина қўлланилди. Бу ҳақда Соғлиқни сақлаш вазирлиги матбуот хизмати хабар берди.
Хабарга кўра, 3 июнда Ўзбекистон ҳудудлари бўйлаб 52 066 доза COVID-19’га қарши вакцина қўлланилди. Улардан:
- 1-босқич эмланганлар 22 830 нафарни,
- 2-босқич эмланганлар 27 444 нафарни,
- 3-босқич эмланганлар 1 792 нафарни ташкил қилди.
Таъкидланишича, айни кунгача жами 2 243 591 доза вакцинадан фойдаланилди. Улардан:
- 2-босқичда эмланганлар 813 734 нафарни,
- 3-босқич эмланганлар 4 048 нафарни ташкил қилди.
Шунингдек, 3 июнь кунидаги эмлаш кўрсаткичлари бўйича юқори ўринларни:
- Андижон вилояти (6 738 доза),
- Наманган вилояти (6 273 доза),
- Қашқадарё вилояти (4 617 доза) банд қилди.
Қайд этилишича, жами эмлашлар бўйича юқори кўрсаткичлар:
- Фарғона вилоятида 284 798 доза,
- Наманган вилоятида 263 823 доза,
- Андижон вилоятида 256 102 доза,
- Самарқанд вилоятида 212 351 дозани ташкил қилмоқда.
Эмлаш жараёнлари давом этади.