Ўзбек спортчилари слаломда эшкак эшиш бўйича Осиё чемпионатида иккита медальни қўлга киритишди

Ўзбекистон вакиллари слаломда эшкак эшиш бўйича Таиландда ўтаётган Осиё чемпионатида иккита медални қўлга киритишди. Бу ҳақда Миллий олимпия қўмитаси хабар берди.

Мусобақанинг илк кунларидаёқ Ўзбекистон терма жамоаси битта «олтин« ва битта «бронза» медални жамғарди.

«Кумуш медални байдарка слаломида жамоавий дастурда қатнашган У23 ёш тоифасидаги йигитларимиз (Шаҳобиддин Болтабоев, Самандар Саъдуллаев, Дониёр Исломов) қўлга киритишди. Шунингдек, каноэ слаломида катталар ўртасидаги баҳсда спортчиларимиз (Алибек Темиргалиев, Абубакр Буканов, Достонбек Жумабоев) шоҳсупанинг учинчи поғонасидан жой олишди», – дейилган хабарда.

Шунингдек, катта ёшдаги спортчилар ўртасида слалом-каноэда эшкак эшиш бўйича ўзбекистонликлар ғолибликнинг учинчи поғонасини эгаллашди.