Тошкентда вакцинанинг ножўя таъсирини даволаш учун қанча шифохона тайёрлаб қўйилгани маълум қилинди
Тошкент шаҳрида вакцинанинг ножўя таъсирларини даволаш учун 4 та шифохона тайёрлаб қўйилган. Бу ҳақда СЭС ахборот хизматига таяниб, «Газета.uz» хабар берди.
Маълум бўлишича, коронавирусга қарши эмланган фуқароларда кузатилган ножўя таъсирларга қарши курашиш мақсадида пойтахтда ташкил этилган 81 та эмлаш пункти 4 та шифохонага бириктирилган.
Қуйида шифохоналар рўйхати:
- Учтепа туманидаги шаҳар тез тиббий ёрдам клиник шифохонаси;
- Шайхонтохур туманидаги 1-сон шаҳар клиник шифохонаси;
- Яшнобод туманидаги 4-сон шаҳар клиник шифохонаси;
- Юнусобод туманидаги 7-сон шаҳар клиник шифохонаси.
Қайд этилишича, мазкур шифохоналарга ҳозирги кунга қадар вакцинанинг ножўя таъсирлар кузатилган бирорта бемор ётқизилмаган. Бунга зарурат бўлмаган.